Apple սարքերի անվճար վերանորոգում
երաշխիքային սպասարկումից դուրս

MacBook Pro (15 դյույմ)

Մարտկոցի հետ կապված խնդիր

Պարզվել է, որ հին սերնդի MacBook Pro-ների (15 դյույմանոց) սահմանափակ քանակով մարտկոցներ կարող են գերտաքանալ և հրդեհային անվտանգության սպառնալիք լինել: Նշված սարքերը վաճառվել են 2015 թ․ սեպտեմբերից մինչև 2017 թ․ փետրվար․ արտադրանքի իրավազորությունը որոշվում է սերիական համարով:

Ձեր MacBook Pro-ն սպասարկման նախապատրաստելու համար ստեղծեք նրա տվյալների պահեստային պատճենը:

MacBook, MacBook Air և MacBook Pro.

Ստեղնաշարերի սպասարկման ծրագիր

Պարզվել է, որ MacBook-ի, MacBook Air-ի և MacBook Pro-ի որոշ մոդելների ստեղնաշարերի փոքր տոկոսի մոտ կարող է նկատվել ստորև ներկայացված հայտանիշներից մեկը կամ մի քանիսը:

• Տառերի կամ նշանների անսպասելի կրկնություն
• Էկրանի վրա մուտքագրվող նիշերի բացակայություն
• Ստեղների «կպչել» կամ դրանց պատշաճ արձագանքի բացակայություն

Սպասարկման տիպը կորոշվի ստեղնաշարի ստուգումից հետո: Ընդ որում, կարող է առաջանալ մեկ կամ մի քանի ստեղնի կամ ամբողջ ստեղնաշարի փոխարինման անհրաժեշտություն:

Mac նոութբուքերի այլ մոդելներ այս ծրագրում չեն ներգրավվում:

MacBook Pro 13”.

Էկրանի լուսավորման խնդիր

Պարզվել է, որ 13 դյույմանոց MacBook Pro-ի էկրանների աննշան տոկոսի մոտ կարող է նկատվել ստորև նշված հայտանիշներից մեկը կամ մի քանիսը:

• Էկրանի ստորին մասի ամբողջ երկարությամբ մշտապես կամ պարբերաբար նկատվում են դիսփլեյի լուսավորման ուղղահայաց պայծառ հատվածներ:
• Դիսփլեյի լուսավորությունն ամբողջությամբ դադարում է աշխատել:

Նշված սարքերը վաճառվել են 2016 թ․հոկտեմբերից 2018 թ․ փետրվարն ընկած ժամանակահատվածում:

Ծրագիրը վերաբերում է իրավազոր MacBook Pro մոդելներին և ուժի մեջ է 5 տարի՝ սկսած սարքի սկզբնական մանրածախ վաճառքից, կամ 3 տարի՝ սկսած այս ծրագրի մեկնարկի օրվանից, կախված այն բանից, թե այդ ժամանակահատվածներից որն է ավելի երկար:

Ստորև թվարկված են իրավազոր մոդելները.

Եթե ​​Դուք չեք գտել անհրաժեշտ տեղեկատվությունը կամ դեռ ունեք հարցեր վերը նշված անսարքությունների վերաբերյալ, խնդրում ենք կապվել մեզ հետ:

Mac նոութբուքերի այլ մոդելներ այս ծրագրում չեն ներգրավվում:

iPhone 12 և iPhone 12 Pro.

Ձայնի բացակայություն

Պարզվել է, որ iPhone 12 և iPhone 12 Pro սարքերի շատ փոքր տոկոսի մոտ կարող են առաջանալ ձայնի հետ կապված խնդիրներ՝ ընդունիչի մոդուլում բաղադրամասի խափանման պատճառով: Այսպիսի խնդիր ունեցող սարքերը թողարկվել են 2020 թ․ հոկտեմբերից մինչև 2021 թ․ ապրիլը։

Եթե ​​Ձեր iPhone 12-ի կամ iPhone 12 Pro-ի ընդունիչը զանգերի ժամանակ ձայն չի արձակում, այն կարող է սպասարկման կարիք ունենալ:
Apple ընկերությունը կամ Apple-ի կողմից իրավազորված սպասարկման կենտրոնները անվճար ծառայություն կտրամադրեն համապատասխան սարքերին:

iPhone 12 mini-ն և iPhone 12 Pro Max մոդելները ծրագրում ներառված չեն։

Եթե ​​Դուք չեք գտել անհրաժեշտ տեղեկատվությունը կամ դեռ ունեք հարցեր վերը նշված անսարքությունների վերաբերյալ, խնդրում ենք կապվել մեզ հետ:

AirPods Pro.

Ձայնի հետ կապված խնդիր

Հաստատվել է, որ AirPods Pro ականջակալների մի փոքր մասի մոտ կարող է առաձանալ ձայնի հետ կապված խնդիրներ: Նշված սարքերն արտադրվել են մինչև 2020 թ․ հոկտեմբերը:

Այսպիսի AirPods Pro ականջակալները կարող են դրսևորել հետևյալ հայտանիշներից մի քանիսը.

• Լսվում են չխկոցներ կամ ճրթճրթոցներ, որոնք ուժեղանում են աղմուկի պայմաններում, մարզումների ժամանակ կամ հեռախոսով խոսելիս:
• Աղմուկի նվազեցման ակտիվ համակարգը պատշաճ չի աշխատում՝ կորչում են ցածր հաճախականությունները կամ ուժեղանում են ֆոնային ձայները, օրինակ՝ փողոցի կամ թռչող ինքնաթիռի:

Հաստատված խնդիր ունեցող AirPods Pro (ձախ, աջ կամ երկուսն էլ) ականջակալների համար կտրամադրվի փոխարինողը: Խնդիրը չի ներառում AirPods Pro ականջակալի պատյանը: Այն չի կարող փոխարինվել:

Ծրագիրն ընդգրկում է քննարկվող AirPods Pro ականջակալները 3 տարվա ընթացքում՝ սկսած սարքի սկզբնական վաճառքի օրվանից:

Եթե ​​Դուք չեք գտել անհրաժեշտ տեղեկատվությունը կամ դեռ ունեք հարցեր վերը նշված անսարքությունների վերաբերյալ, խնդրում ենք կապվել մեզ հետ:

Այս ծրագիրը չի տարածվում այլ AirPods մոդելների վրա:

Apple Watch Series 6.

Խնդիրը՝ «Դատարկ էկրան»

Հաստատվել է, որ 40 մմ-անոց Apple Watch Series 6 սարքերի շատ փոքր տոկոսի մոտ կարող է մշտապես լինել ​​դատարկ էկրան: Նշված արտադրանքը թողարկվել է 2021 թ․ ապրիլից սեպտեմբեր ընկած ժամանակահատվածում։

Ծրագիրը վերաբերում է Apple Watch Series 6-ի իրավազոր մոդելներին և ուժի մեջ է երկու տարի՝ սարքի սկզբնական վաճառքի օրվանից:

Եթե ​​Դուք չեք գտել անհրաժեշտ տեղեկատվությունը կամ դեռ ունեք հարցեր վերը նշված անսարքությունների վերաբերյալ, խնդրում ենք կապվել մեզ հետ:

Ադապտերներ

Apple-ի երեք կոնտակտով խրոցակներ

Պարզվել է, որ հիմնականում ՄԹ-ում, Սինգապուրում և Հոնկոնգում օգտագործելու համար նախատեսված Apple-ի 3 կոնտակտանի խրոցակով ադապտերները կարող են կոտրվել և բաց մետաղական մասերին դիպչելու դեպքում էլեկտրահոսանքահարման վտանգ ներկայացնել շատ հազվադեպ:

Այս ադապտերները մատակարարվել են 2003-ից 2010 թվականներին Mac համակարգիչների և որոշ iOS սարքերի հետ, ինչպես նաև ներառվել են Apple World Travel Adapter Kit-ի ադապտերների լրակազմում։

Apple խրոցակի ադապտերներ՝ փոփոխական հոսանքի պատի վարդակների համար

USB սնուցման ադապտեր

Եթե ​​Դուք չեք գտել անհրաժեշտ տեղեկատվությունը կամ դեռ ունեք հարցեր վերը նշված անսարքությունների վերաբերյալ, խնդրում ենք կապվել մեզ հետ:

Համաձայն վերջին տվյալների՝ որոշ կեղծ և կողմնակի ադապտերներ ունեն կառուցվածքի թերություններ, որոնք կարող են հանգեցնել անվտանգային խնդիրների: Թեև նման խնդիրներ կարող են առաջանալ ոչ բոլոր կողմնակի ադապտերների դեպքում՝ մենք հայտարարում ենք USB հոսանքի ադապտերներ ընդունելու ծրագրի մասին, որպեսզի հաճախորդները կարողանան ձեռք բերել որակյալ ադապտերներ:

Պարզվել է, որ Եվրոպայի համար նախատեսված՝ Apple-ի 5 Վտ հզորությամբ USB սնուցման ադապտերները հազվադեպ կարող են գերտաքանալ և վտանգ ներկայացնել անվտանգության առումով: Այս ադապտերը մատակարարվել է iPhone 3GS, iPhone 4 և iPhone 4s սարքերի հետ, որոնք վաճառվել են 2009թ. հոկտեմբերից մինչև 2012թ. սեպտեմբերը: Այն վաճառվել է նաև որպես առանձին աքսեսուար:

Եվրոպայի համար նախատեսված՝ Apple-ի 5 Վտ հզորությամբ USB սնուցման ադապտերներ

Ակուստիկա

Beats Pill XL բարձրախոսների մարտկոցի խնդիր

Պարզվել է, որ Beats Pill XL մոդելներում մարտկոցը հազվադեպ կարող է գերտաքանալ և հրդեհի առաջացման վտանգ ներկայացնել: Բարձրախոսների այս մոդելը ամբողջ աշխարհում հասանելի է 2014 թ․ հունվարից Beats-ի, Apple-ի և այլ մանրածախ խանութներում:

Այս ծրագիրը վերաբերում է միայն ստորև ներկայացված Beats Pill XL մոդելին: Beats Pill XL բարձրախոսը մատակարարվել է հինգ գույնով՝ սև, սպիտակ, վարդագույն, երկնագույն- մետալիկ և տիտանագույն, ինչը կարելի է տեսնել այս վեբ էջում:

Եթե ​​Դուք չեք գտել անհրաժեշտ տեղեկատվությունը կամ դեռ ունեք հարցեր վերը նշված անսարքությունների վերաբերյալ, խնդրում ենք կապվել մեզ հետ:

Դիմաց

Հետև